Årsmelding Øystese Fotball 2017

 

Styret

 

Leiar:                        Per Dysterud
Kasserar                    Vilma Vence
Nestleiar/skrivar:     Ivar Fjærestad

Styremedlem:          Terje Langeland
Styremedlem:           Camilla Fykse

Varamedlem:           Lene Huun
Valkomité:       Olav Mikal Fykse, Camilla Øystese, Øivind Kristiansen
Rekneskap:     Vekstra

Administrasjon

Dagleg leiar:                                           Roger Vassnes
Sportssjef:                                                    Christian Kjosås

 

Møter og arbeid i styret

Styret har i 2017 hatt i alt 10 styremøte og 2 arbeidsmøter.
1 arbeidsmøte i samanheng med Øystese Cup og 1 i samanheng med budsjettet
Styreleiar møter fast i styret i Øystese Idrettslag.

Organisasjon

Klubben har i 2017 hatt fem tilsette . Klubben sin daglege leiar gjer jobben på dugnad medan sportssjef (100%) og dagleg leiar Telenor Xtra FotballSFO (100%) samt 1 trenar og 1 spelar vert lønna av klubben.

 

Medlemmar

Klubben har i 2017 hatt over 300 aktive medlemar og ein hadde i 2017 25 lag i seriesystemet som er på same nivå som tidlegare

 

Representasjon

Christian Kjosås og Roger Vassnes har stilt på møter i regi av Hordaland Fotballkrets. Ole Andre Glesnes har stilt på NFF sine møter i regi av Telenor Xtra

 

Øystese Kunstgrasbane

Kapasiteten på bana er sprengt på dei fleste tidspunkt. Dessutan er det mykje uorganisert aktivitet på bana på tidspunkt då den ikkje er i bruk av klubben sine lag. Slik at det er folk på bana omtrent heile tida.

 

Sportslege resultat

Sesongen 2017 var ein veldig god sesong sportsleg for Øystese Fotball.

Herrar senior A lag

Hadde ein strålande sesong. Starta litt tungt med å bli slått ut av cupen i fyrste runde. I serien har A laget levert varene til dei grader. Etter eit par unødvendige tap var ein bak Arna Bjørnar mesteparten av sesongen. Men i dei siste kampane snudde det då Arna Bjørnar hadde eit par unødvendige poengtap slik at Øystese leia tabellen før siste runde. Arna Bjørnar måtte vinne siste kampen medan Øystese klarte seg med uavgjort. Kampen enda 1-1 og Øystese kunne derfor feire opprykk.
Trenarar i 2017 har vore Christian Kjosås og Daniel Hatland medan oppmann har vore Roger Vassnes

Senior menn B lag: Hatt ein varierande sesong med både tosifra tap og tosifra siger. På slutten når ein såg at ein kunne rykke opp mobiliserte ein litt av A lagsspelarane slik at ein vann dei fem siste kampane og rykka opp. B laget har bestått av A lagsspelarar, gamle stjernespelarar, juniorar og old boys i ein herleg blanding
Trenar og oppmann i 2017 har vore Roger Vassnes

Junior menn: Ein super vårsesong enda med opprykk og ein tung haustsesong enda med nedrykk. Juniorlaget har dei siste 5 åra veksla mellom 2 og 3 divisjon. Ein har vore for god for 3 divisjon på våren og rykka opp medan ein på hausten har vore for dårleg for 2 divisjon og rykka ned. Det har også ein del og sei at dei eldste juniorane ofte forsvinn på sommaren pga skule. Slik også i år då bærebjelkane i siste års juniorer (98 kullet) var ferdig på gymnaset og forsvann til sommaren.
Trenar i 2017 har vore Ole Andre Glesnes og oppmann Kjell Henning Berge

Junior damer: Var veldig gode på våren og blei nr 3 på tabellen. På hausten skjedde det samme som for junior menn at bærebjelkane i 98 kullet forsvann på skule då dei var ferdig med gymnaset. Dermed blei det for tungt for dei yngre som også spelte på j16 å drifte to lag og ein måtte desverre trekke laget på hausten
Trenar i 2017 har vore Pedro Leitao og oppmann Vidar Østerbø

G16: Vann si pulje på våren og rykka opp etter å ha vunne alle kampane. Hadde også ei god oppleving i Norway Cup der dei kom til kvartfinalen i A sluttspelet. Opplevde også at ein del spelarar forsvann vekk på skule etter sommeren og har hatt ein litt tyngre haust pga få spelarar
Trenar i 2017 har vore Ole Andre Glesnes og oppmann har vore Lillian Digernes

J16: Enda på 2 plass i avdelinga si og kun målforskjell gjorde at dei ikkje rykka opp. På hausten var det tyngre og ein enda på 2 plass nedanfrå. Mange av spelarane blei spelande på to lag og det vart litt for tøft
Trenar i 2017 har vore Pedro Leitao og oppmann har vore Hilde Saxsæter

J14: Enda på 3 plass på vårtabellen og 5 plass på hausttabellen. Fekk bronse i Lærum Cup i Sogndal og tok seg til A sluttspelet i Norway Cup. Har fortsatt 100% av jentene med som starta med fotball i 1 klasse
Trenarar i 2017 har vore Øivind Kristiansen og Roger Vassnes og oppmann har vore Torbjørn Eide

G14: Etter ein vårsesong midt på treet prega av at ein var litt få spelarar. Ein danna derfor eit samarbeidslag med Norheimsund etter vårsesongen der guttane har fått eit tøft møte med 1 divisjon. Men ein lærer av å møte dei beste laga
Trenarar i 2017 har vore Joao Vitor og Pedro Leitao og oppmann har vore Hilde Børven

J13: Etter å ha vunne alle kampane sine vann j13 avdelinga si og fekk spela mot andre avdelingsvinnarar. Kvartfinalen vart vunne borte mot Follese etter ekstraomganger. I semifinalen på heimebane vart det også ekstraomganger men der vart det til slutt tap mot Nordhordaland
Trenarar i 2017 har vore Joakim Lillevik og Christian Kjosås og oppmann har vore Terje Melstveit

G13: Rykka opp til 1 divisjon etter ein god vårsesong. Har i likhet med g14 fått eit tøft møte med 1 divisjon men ein lærer av å møte dei beste laga. Eit par sigrer men stort sett tap på hausten
Trenarar i 2017 har vore Trym Sandven, Andreas Henriksen Cats og Christian Kjosås og oppmann har vore Lene Huun

Barnefotball: I tillegg til ungdomsfotballlaga har Øystese stilt med 13 lag i barnefotballen der det ikkje er tabeller og resultatfokus: Eit g12, eit j12, eit g11, eit g10, eit j10, to g9 lag, eit j9, eit g8, eit j8 og tre mix7 lag. Frå 10 år og oppover har ein deltatt i Bergensserien medan dei under 10 år har deltatt i Hardangerserien. I tillegg har 2011 kullet starta med treningar

 

Sportsplan

Gjeldande sportsplan er revidert og styret oppmodar alle trenarar og foreldre til å setta seg inn i sportsplanen som legg føringar for klubben.

 

Utdanning

Ole Andre Glesnes er på NFF sitt lederkurs for yngre ledere. Trent for Fotball hadde eit trenerkurs med fokus på forebyggande trening for alle trenarane i Øystese. Ein ynskjer å sette i gong fleire trenerkurs i 2018.

Også på dommersida burde det vore iverksett nye kurs då Øystese pr no har får få dommere

Nettsida

Klubben har ei eiga internettside som webredaktør Trygve Laupsa og Roger Vassnes styrer. Heimesida har mellom 3 og 500 besøkande kvar dag og er soleis blant dei mest besøkte heimesidene i Kvam

Fotballskular

Klubben har i år arrangert to fotballskuler. Påske fotballskule i starten av sesongen med ca 70 deltakarar og TINE fotballskule like etter skuleslutt med omtrent tilsvarande antal deltakarar

Ansvarleg for fotballskulane har vore Roger Vassnes og Christian Kjosås

Øystese Cup

Øystese Cup vart arrangert for 6. gong i slutten av mai med 125 deltakande lag frå heile Hordaland og over 1000 deltakarar. Det var eit vellukka arrangement både med omsyn til resultat og kvalitet. Øystese hadde flott vær under cupen og omtrent alle lag sa at dette ville dei delta på også i 2018. Dette er blitt Øystese Fotballs største inntektskilde. Påmelding til Øystese Cup i 2018 er allereie godt i gong

Turneringsleiar for Øystese Cup i 2017 var Roger Vassnes

Klubben bør starte arbeidet med Øystese Cup 2018 for å få inn fleire personer som kan bidra

Sparebanken Vest Bedrifts Cup
Bedrifts Cupen vart arrangert for 1. gong i starten av november med 16 deltakande lag etterfulgt av bankett.

Turneringsleiar for Sparebanken Vest Bedrifts Cup i 2017 var Roger Vassnes

Telenor Xtra Fotball SFO

Øystese er ein av seks klubber i Hordland som er ein del av Telenor Xtra Fotball SFO. Dette er eit satsingsprosjekt frå NFF og vert i Øystese drifta av Øystese Fotball. 20 born er ein del av dette tilbodet der ein kan trene fotball kvar dag etter skuletid

Ole Andre Glesnes er dagleg leiar ved Telenor Xtra Fotball SFO

Klubbens dag

Øystese arrangerte for sjette gong i 2017 klubbens dag der ein samla ca 100 fotballspelande born til aktivitetar, bingespel, kampar på tvers av aldersgrense og mykje moro. Samtidig hadde ein tidenes snuoperasjon av A laget i ein kamp dei låg under 4-3 når tida var ute men vann 5-4

Dette er eit tiltak som vert vidareført i 2018. Klubbens dag samanfallar med fyrste heimekamp for A laget

Ansvarleg for klubbens dag har vore Roger Vassnes

Ny klubb
Eit årsmøtevedtak beslutta at Øystese Fotball skulle gå ut av ØIL og danne Øystese Fotballklubb. Den nye klubben er stifta og frå 01.01.2018 er Øystese Fotballklubb ein eigen organisasjon

Økonomi

Det økonomiske resultatet for Øystese Fotball i 2017 er ikkje aktuelt då dette vert ein del av ØIL. Øystese Fotball kunne ikkje ta med seg nokon verdiar ut av ØIL slik at ein starter med blanke ark og teiknestifter i 2018

 

Øystese Fotball har inga gjeld eller uteståande fordringar

For ytterligare informasjon om økonomien i 2017 viser me til årsrekneskapen til ØIL.

 

Takkeord

Øystese Fotball vil elles nytta høvet til å takka våre samarbeidspartnarar for god støtte gjennom sesongen.

 

Styret ynskjer å retta ein særskild stor takk til alle trenarar/ leiarar/ tilsette og alle dei føresette som gjer at me kan byggja anlegg og driva ein klubb med høg aktivitet.

 

Øystese 7. desember 2017

Per Dysterud    Ivar Fjærestad     Terje Langeland

Vilma Vence     Camilla Fykse   Lene Huun